Monumental obra de referencia do franciscano Samuel Eiján sobre a súa comarca natal, O Ribeiro. Editada orixinalmente en Madrid en 1920, Alvarellos Editora publicou esta edición facsímile en 1981. O volume desenvolve un amplísimo, rigoroso e ameno estudo en preto de 750 páxinas sobre todos os aconteceres históricos que foron conformando Ribadavia e a súa bisbarra.

Ao final, esta Historia de Ribadavia inclúe un práctico índice de autores, obras, arquivos citados, pobos e lugares.