Don Ramón Otero Pedrayo foi o primeiro columnista de prensa en escribir habitualmente en galego. En Teoría de Galicia aparecen editados, por vez primeira en libro, os 72 escritos que o Patriarca das Letras Galegas publicou, entre 1926 e 1963, na revista Vida Gallega.

Neste coidado volume –de catrocentas páxinas– danse a man prosas líricas e crónicas da época, ensaios e relatos de ficción. A visión conxunta de todos estes escritos enxerga toda unha teoría de Galicia.

Á parte dos textos recóllense nesta edición varios manuscritos inéditos do autor e fotografías dunha vida consagrada á cultura e a defensa do país.

O profesor, historiador e escritor Marcos Valcárcel asina o estudo introdutorio “Otero Pedrayo no xornalismo galego”.

Ver tres capítulos desta obra:
- Outono (1926)
- El libro y la universidad (1958)
- Pintores gallegos: notas intrascendentes (1960)

>> Conferencia do profesor Marcos Valcárcel
05/06/2007 (ficheiro .mp3 9,18 MB)

>> Recital de textos de "Teoría de Galicia" na voz de Tereixa Devesa e Loli Conde (1)
Liceo de Ourense, 05/06/2007 (ficheiro .mp3 3,70 MB)

>> Recital de textos de Teoría de Galicia na voz de Tereixa Devesa e Loli Conde (2)
Liceo de Ourense, 05/06/2007 (ficheiro .mp3 5,06 MB)